Kryeministri Berisha premton kompjuter per cdo familje shqiptare
--------------------------------------------------------------------------------
Berisha premton: Kompjuter për cdo familje shqiptare
Qeveria është e vendosur të mobilizojë të gjitha fondet e nevojshme për të kapur sa më shpejt moshën dixhitale"-Ky është premtimi që kryeministri shqiptar Sali Berisha bëri sot në Konferencën Kombëtare për Shoqërinë e Informacionit, që po zhvillohet në Tiranë.
Interneti përbën sot hapësirën më universale në të cilën individi merr shërbime dhe njohuri shumë të rëndësishme në punën e tij", theksoi më tej Kryeministri.
Ai kujtoi se tre vite më parë nisma "Shqipëria në moshën dixhitale" e ndërmarrë nga qeveria shqiptare, në atë kohë nuk tingëllonte realiste, por "Mosha dixhitale është një moshë jetike për zhvillimin e Shqipërisë, që përfaqëson vendin më kohë humbur në këtë drejtim, ndaj përpjekjet tona duhet të jenë të jashtëzakonshme.Ne nuk mund te themi se jemi në moshën dixhitale, por ne po shtrojmë themelet e kësaj moshe", shtoi Kryeministri Berisha.
Kreu i qeverisë kërkoi që të parashikohet një edukim masiv i popullatës për përdorimin e internetit, pasi në një moment të caktuar qeveria do të krijojë mundësinë që çdo familje shqiptare të ketë kompjuter në shtëpitë e tyre.
Tue Jun 23, 2009 7:06 pm